News Griha :: न्यूजगृह
NLIC-Below-Navigation-innerNLIC-Below-Navigation-inner
शिक्षामा २० प्रतिशत बजेट छुट्याउन माग

काठमाडौं— अनेरास्ववियुले शिक्षामा कूल बजेटको २० प्रतिशत छुट्याउन माग गरेको छ ।

अनेरास्ववियुको यही ४ देखि ६ जेठसम्म बसेको दोस्रो केन्द्रीय कमिटीको निर्णय सार्वजनिक गर्न आयोजित पत्रकार सम्मेलनमा अनेरास्ववियुका अध्यक्ष समीक बडालले २० प्रतिशत छुट्याउन माग गरेका हुन् ।

Prabhu Bank

अनेरास्ववियुले निजी शैक्षिक संस्थाले दिनुपर्ने अनिवार्य छात्रवृत्तिलाई पनि १० प्रतिशतबाट २० प्रतिशतमा पुर्‍याउन माग गरेको छ ।

बैठकले अनेरास्ववियुका केन्द्रीय कमिटीमा रहेका सबैले महिनाको एक दिन शैक्षिक गुणस्तर वृद्धिका लागि सरकारी वा सामुदायिक विद्यालयमा अनिवार्य स्वयंसेवकीय कक्षा लिने निर्णय गरेको छ ।

अखिलले सात सय ५३ वटै स्थानीय तहमा विज्ञान, व्यवस्थापन, कानुन, खेलकुद, शिक्षा र मानविकी विषयको कक्षा १२ सम्मको नमूना विद्यालय सञ्चालन गर्न आवश्यक जनदबाव दिने निर्णयसमेत गरेको छ ।

अखिलले आयोजना गर्ने कार्यक्रममा खादा नलगाउने, प्रत्येक कार्यक्रममा एक जना महिला वक्ता अनिवार्य, पार्टीका नेताको जन्मदिनमा केक नकाट्ने जस्ता निर्णय गरेको छ ।

यस्तै अखिलले सङ्गठन निर्माणको महाअभियान सञ्चालन गर्ने निर्णय गरेको छ । अध्यक्ष बडालका अनुसार जेठदेखि असोजसम्म १० हजार कमिटी निर्माण गर्ने निर्णय गरेको छ ।

 

Nepali-Patro-innerNepali-Patro-inner
प्रकाशित मिति: सोमबार, जेठ ८, २०८०  ०६:५५
sagarmatha cementsagarmatha cement
Weather Update