काठमाडौं— शिक्षा तथा मानव स्रोत विकास केन्द्रको समावेशी शिक्षा शाखाले आइतबार सबै स्थानीय तहलाई पत्र लेख्दै विपन्न लक्षित छात्रवृत्तिका लागि फाराम भर्ने भराउने विषयमा अनुरोध गरेको  छ ।

कक्षा ९–१२ मा अध्ययनरत विद्यार्थीहरूलाई आर्थिक वर्ष २०८०/८१ मा विपन्न लक्षित छात्रवृत्ति उपलब्ध गराउने प्रयोजनका लागि शैक्षिक सत्र २०७९ मा कक्षा ८ र १० मा अध्ययनरत विद्यार्थीहरूले पीएमटी फाराम भर्न तथा सम्बन्धित विद्यालयहरूलाई वैशाख मसान्तसम्म म्याद थप गरिएको थियो ।

वैशाख मसान्तसम्ममा पनि फाराम भर्ने र आईएमआईएसमा अपलोड गर्ने कार्य बाँकी रहेको जनाउँदै शाखाले २५ जेठसम्म सो काम गर्न तथा गराउन अनुरोध गरेको छ ।