मोरङ— नेपाली कांग्रेसका महामन्त्री गगन थापाले नेपालले आफ्नो ग्रेटर नेपालकाे नक्सा जारी गरी हक खोज्नुपर्ने बताएका छन् ।

विराटनगर विमानस्थलमा बिहीबार पत्रकारसँग कुरा गर्दै उनले भारतले सांस्कृतिक नक्सा जारी गर्न सक्छ भने नेपालले पनि ग्रेटर नेपालको नक्सा जारी गर्नुपर्ने बताए ।

सो अवसरमा उनले लिम्पियाधुरा, कालापानी र लिपुलेकमाथि नेपालको अधिकार भएको र कसैले खोसेर लैजान नसक्ने स्पष्ट पारे ।

उनले कांग्रेसकाे नीति अधिवेशन भदौमा हुने बताए । उनले नीति महाधिवेशनले पार्टीका केही निर्णयबारेमा पुनःविचार गर्न र पार्टीलाई ठिक ठाउँमा उभ्याउने दूरगामी निर्णय लिनेमा विश्वास व्यक्त गरे ।

उनले वर्तमान सरकारलाई जनतामा अनुभूति हुने गरी काम गर्न सुझाव दिए । महामन्त्री थापाले कांग्रेसले वर्तमान गठबन्धन सरकार बदल्ने सम्बन्धमा कुनै विकल्प नसोचेको समेत प्रष्ट पारे ।

यो पनि पढ्नुहोस

बालेनको साहसिक निर्णय, यसरी दिए भारतलाई काउन्टर

यो पनि पढ्नुहोस

बालेनको कार्यकक्षमा सजाइएको ‘ग्रेटर नेपाल’ पेन्टिङको मूल्य कति ?