काठमाडौं— प्रधानमन्त्री पुष्पकमल दाहाल प्रचण्डविरुद्ध बानेश्वरमा नाराबाजी भएको छ ।

मंगलबार ५८ औं अन्तर्राष्ट्रिय जातीय भेदभाव उन्मूलनको कार्यक्रममा जाँदै गर्दा तीन जना युवाले प्रधानमन्त्री प्रचण्डविरुद्ध नाराबाजी गरेका हुन् ।  

कार्यक्रममा एक युवाले प्रधानमन्त्रीलाई आफ्ना कुरा राख्न पाउनुपर्ने भन्दै प्रहरीलाई आग्रह गरेका थिए ।

तर प्रहरीले ती युवालाई पक्राउ गर्न खोज्यो । त्यसपछि अर्को एक जना युवाले प्रहरीले मुख बन्द गर्न पाइँदैन भन्दै नारा लगाए । उनीहरूलाई प्रहरीले नियन्त्रणमा लियो । 

यस्तै, बैंकको मिटर ब्याज मिनाहा गर भन्दै नारा लगाउने युवालाई पनि प्रहरीले नियन्त्रणमा लिएको छ ।