काठमाडौं— दश पटकको च्याम्पियन बायर्न म्युनिखमाथि सानदार जित निकाल्दै आरबी लाइप्जिग पहिलोपटक  जर्मन सुपर कपको च्याम्पियन बनेको छ ।

स्पेनिस विंगर डानी ओल्मोले ह्याट्रिक पूरा गरेपछि लाइप्जिगले लगातार तीन संस्करणको च्याम्पियन बायर्नमाथि ३–० को सानदार जित निकाल्दै च्याम्पियन बनेकाे हाे ।

एलिएन्ज एरिना म्युनिखमा शनिबार राति भएको खेलमा घरेलु टोली बायर्नले बल पोसेसन राख्दै दबाब बढाए पनि गोल गर्न भने सकेन ।