मेसीको लगातार गोल, इन्टर मियामी पुग्यो सेमिफाइनल
काठमाडौं— अर्जेन्टेनी स्टार लिओनल मेसीले अमेरिकामा लगातार पाँचौ खेलमा गोल गरेका छन् । इन्टर मियामीमा आबद्ध उनको गोलसँगै मियामी लिगको सेमिफाइनलमा पुगेको छ ।
मियामीले क्वाटरफाइनलमा शनिबार बिहान चार्लोटो एफसीलाई ४–० गोलको फराकिलो अन्तरमा हराएको हो । फाइनल प्रवेशका लागि मियामीले अब अगष्ट १९ मा फिलाडेल्फिया युनियनसँग प्रतिस्पर्धा गर्नु पर्ने भएको छ ।
घरेलु मैदान डीआरभी पीएनके स्टेडियममा भएको खेलमा मियामीलाई सहज जित हात पार्नका लागि मेसीसँगै जोसेफ मार्टेनिज र रोबर्ट टेललरले एक–एक गोल गरे । एक गोल आत्मघाती हुँदा मियामी ४–० ले अग्रता लिएको हो ।
यसै, सिजन अमेरिका पुगेका मेसीले लिग कपमा अहिलेसम्म ८ गोल गरिसकेका छन् । उनले खेलेका सबै खेलमा गोल गरेका हुन् ।
प्रकाशित मिति: शनिबार, साउन २७, २०८० १०:०९
थप समाचार
