काठमाडौं—  शैक्षिक प्रमाणपत्र कीर्ते गरी डाक्टर भएका पाँच जना पक्राउ परेका छन् । 

केन्द्रीय अनुसन्धान ब्यूरो (सीआईबी) ले शैक्षिक प्रमाणपत्र कीर्ते गरेको अभियोगमा बिहीबार साँझ चार जनालाई पक्राउ गरेको छ ।

सीआईबीले दिउँसो नेपाली कांग्रेसका नेता तथा सांसद डा.सुनिल शर्मालाई प्रकाउ गरेको थियो ।

साँझ पक्राउ पर्नेहरूमा डा.रामबाबु यादव, डा.एरिना यादव, अमृत चौधरी र डा.रञ्जित कुमार यादव रहेका छन् । सीआईबीका प्रवक्ता एसपी नवराज अधिकारीले पक्राउ परेकाहरूमाथि अनुसन्धान भइरहेको जानकारी दिए ।

प्रहरीले २०७२ सालको ‘अपरेसन क्वाक’ को फाइल पुनः खोल्दै अनुसन्धान अगाडि बढाएको छ । अपरेसन ‘फोक्सट्रोट चार्ली’अन्तर्गत उनीहरू पक्राउ परेका हुन् ।