फिफा महिला विश्वकप फुटबलमा समूह चरणका अन्तिम दुई खेल हुँदै
काठमाडौं— फिफा महिला विश्वकप फुटबलमा आज समूह चरणका अन्तिम दुई खेल हुँदैछन् । समूह एचका अन्तिम खेल हुन लागेका हुन् ।
समूह एचमा कोलम्बिया र मोरक्को भिड्दा जर्मनी र दक्षिण कोरिया आमने सामने हुनेछन् । दुवै खेल अष्ट्रेलियामा दिउँसो पौने ४ बजे हुनेछन् ।
आजको खेलले समूह चरणबाट नकआउट चरणमा पुग्ने टोलीको टुंगो लाग्ने छ ।
यो समूहबाट दक्षिण कोरिया अंकविहीन हुँदै समूह चरणबाट बाहिरिसकेको छ । कोलम्बिया ६ अंकसहित शीर्ष स्थानमा रहँदा जर्मनी दुई खेलबाट ३ अंकसहित दोस्रोमा छ । यस्तै मोरक्को पनि ३ अंकसहित तेस्रो स्थानमा छ ।
बुधबार भएका खेलमा अर्जेन्टिना, ब्राजिल र इटाली समूह चरणबाटै बाहिरिएका छन् ।
प्रकाशित मिति: बिहीबार, साउन १८, २०८० ०९:४४
थप समाचार
