काठमाडौं— नेपाली सांगीतिक क्षेत्रका अमर नक्षत्र एवं स्वर सम्राट स्व.नारायण गोपाल श्रेष्ठका स्वरमा रहेको ‘केही मिठो बात गर’ बोल गीतको म्युजिक भिडिओ सार्वजनिक भएको छ ।
बिहीबार काठमाडौंमा नारायण गोपाल फाउन्डेसनले एक कार्यक्रम आयोजना गर्दै म्युजिक भिडिओ सार्वजनिक गरेको हो ।
म्युजिक भिडिओ सार्वजनिक गर्दै नारायण गोपाल संगीत कोषका अध्यक्ष दीपक केसीले स्व.नारायण गोपाल श्रेष्ठको गीतलाई संरक्षण गर्ने काम गरिरहेको बताएका छन् ।
उनले भने,‘हाम्रो कोषले उहाँको गीतहरुलाई संरक्षण गर्ने कामहरु गरिरहको छ । भाइवहिनीहरुलाई प्रोत्साहन गर्न सकियो भने गीत संगीतको क्षेत्रलाई अगाडि लान सकिन्छ भन्ने उहाँको सपना पूरा गर्न हामीले काठमाडौं महानगरपालिकासँग मिलेर भवन बनाइरहेका छौं । जहाँ गीत भोकलसँगै क्लासिकल गीतहरु सिकाइरहेका छौं ।’
सुव्रत आचार्यको निर्देशनमा बनेको उक्त म्युजिक भिडिओमा केकी अधिकारी र दीपक भट्टको अभिनय रहेको छ ।
