खस्कियो नेपालको ओडीआई वरीयता
काठमाडौं— नेपालको एकदिवसीय अन्तर्राष्ट्रिय ओडीआई वरीयता १ स्थान तल झरेको छ ।
अन्तर्राष्ट्रिय क्रिकेट परिषद् आईसीसीले सोमबार जारी गरेको नयाँ वरीयतामा नेपाल एक स्थान तल झरेर १५औँ स्थानमा पुगेको हो ।
नेपालले एकदिवसीय विश्वकप छनोटका ६ खेलमध्ये २ मा मात्र जित हात पारेको थियो ।
एकदिवसीय विश्वकपमा छनोट भएको नेदरल्यान्ड्सले वरीयता सुधारेपछि नेपाल पछि परेको हो ।
एसोसिएटतर्फ स्कटल्यान्ड शीर्ष स्थानमा छ । नेदरल्यान्ड्स दोस्रो र नेपाल तेस्रो स्थानमा धकेलिएको छ ।
नयाँ वरीयताको शीर्ष स्थानमा अष्ट्रेलिया र दोस्रो स्थानमा पाकिस्तान, तेस्रोमा भारत तथा न्युजिल्यान्ड चौथो स्थानमा छन् ।
प्रकाशित मिति: मंगलबार, असार २६, २०८० १५:२५
थप समाचार
