एसीसी यू—१६ इस्ट जोन कप
नेपालले दियो मलेसियालाई २५३ रनको लक्ष्य
काठमाडौं— एसीसी यू–१६ इस्ट जोन कप क्रिकेटको फाइनलमा नेपालले घरेलु टोली मलेसियालाई २५३ रनको लक्ष्य दिएको छ ।
कोलालम्पुरमा सवा ७ बजेदेखि सुरु भएको खेलमा नरेन भट्टको शतक प्रहार गरे ।
उनले १ सय १२ रन बनाई अविजित रहे । उनले ८९ बल खेल्दै १० चौका र २ छक्का प्रहार गरे ।
नरेन र सन्तोष यादवले पाँचौं विकेटमा शतकीय साझेदारी गरेपछि नेपाल विशाल स्कोर बनाउन सफल भएको हो ।
सन्तोष २६ रनमा आउट भएपछि १ सय ४ रनको यो साझेदारी टुटेको थियो । उनले २९ बल खेल्दै २ चौका प्रहार गरे ।
नेपालले समूहचरणमै पनि मलेसियालाई ८४ रनले पराजित गरेको थियो ।
प्रकाशित मिति: मंगलबार, असार १९, २०८० १०:०३
थप समाचार
