काठमाडौं— आईसीसी एकदिवसीय क्रिकेट विश्वकप छनोटमा नेपालले आफ्नो तेस्रो खेलमा बिहीबार वेस्ट इन्डिजसँग खेलिरहेको छ।

वेस्ट इन्डिज दुई पटकको विश्व विजेता टीम हो । जिम्बावेको राजधानी हरारेस्थित हरारे स्पोर्ट्स क्लबमा नेपालले टस जितेर बलिङ रोजेको छ । पहिले ब्याटिङ गरिरहेको वेस्ट इन्डिजले २ विकेट गुमाइसकेको छ।

ओपनिङ ब्याट्सम्यान कायल मेयर्सलाई १ रनमा नेपालका करण केसीले कुशल भुर्तेलबाट क्याच गराए। त्यस्तै दोस्रो विकेट गुल्सन झाले लिएका हुन्।

गुल्सनले जोनसन चार्ल्सलाई शून्य रनमा विकेटकिपर आसिफ शेखबाट क्याच गराएका छन्।