साफ च्याम्पियनसिपको पहिलो खेलमा नेपाल कुवेतसँग पराजित
काठमाडौं— साफ च्याम्पियनसिपको पहिलो खेलमा नेपाल कुवेतसँग ३–१ गोल अन्तरले पराजित भएको छ ।
भारतको बैगलुरुस्थित श्री कांतिराव स्टेडियममा मा भएको खेलमा साबिक उपविजेता नेपाल आमन्त्रित टोली कुवेतसँग पराजित भएको हो ।
पहिलो हाफमा २–० ले पछि परेको नेपालले दोस्रो हाफमा पनि थप १ गोल खायो । कुवेतका लागि पहिलो गोल २३औँ मिनेटमा कप्तान खालेद हाजिहले गरे भने दोस्रो गोल ४२औँ मिनेटमा शबाइब अल्खाल्दीले गरे । दोस्रो हाफको ६५औँ मिनेटमा मोहम्मद अब्दुल्लाहले पेनाल्टीमा गोल गरे ।
नेपालका लागि अन्जन विष्टले ६७औँ मिनेटमा एक गोल फर्काए ।
प्रकाशित मिति: बुधबार, असार ६, २०८० १७:४६
थप समाचार
