काठमाडौं— ‘आदिपुरुष’ निर्माण कम्पनी सुपर क्यासेट्सले काठमाडौं महानगरपालिकाका मेयर बालेन साहलाई पत्र लेख्दै माफी मागेको छ । मेयर साह र चलचित्र विकास बोर्डलाई आइतबार बेलुका इमेल पठाउँदै कम्पनीले फिल्ममा समावेश संवादले संवेदनामा पर्न गएको चोटप्रति माफी मागेको हो ।

कम्पनीकी राधिका दासद्वारा हस्ताक्षरित पत्रमा भनिएको छ,‘हामी नेपाली नागरिकको संवेदनामा परेको असरप्रति माफी माग्छौं । राघव पात्रको रूपमा अभिनेता प्रभासले भनेको डायगले सीता माताको जन्मथलोलाई इंगित नगरेर भारतका समग्र महिलाको स्वाभिमानलाई दर्शाउने क्रममा भन्न खोजिएको हो ।’

यो पनि पढ्नुहोस

सोमबारदेखि काठमाडौं महानगरभित्रका हलमा हिन्दी फिल्म प्रदर्शन रोकिने

उक्त संवादलाई कलात्मक शैलीबाट मात्र बुझ्न र बृहत् जनसमुदायमा इतिहासप्रति रुचि जगाउने क्रममा प्रस्तुत गरिएको उल्लेख छ । फिल्ममा समावेश ‘जानकी भारतकी छोरी’ हुन् भन्ने संवादलाई भारतले सच्याउनुपर्ने अडानमा काठमाडौं महानगरका मेयर बालेन शाह छन् ।