काठमाडौं— उरुग्वेले पहिलोपटक फिफा यू–२० विश्वकप उपाधि जितेको छ । अर्जेन्टिनामा सोमबार बिहान भएको फाइनलमा इटलीलाई १–० ले पराजित गर्दै उरुग्वेले यू–२० विश्वकप जितेको हो ।

उरुग्वेका लुसियानो रोड्रिगेजले ८६औं मिनेटमा गरेको गोल नै उरुग्वेलाई उपाधि जिताउन निर्णायक बन्यो  ।

यसअघि १९९७ र २०१३ मा उपविजेता बनेको उरुग्वे तेस्रो प्रयासमा उपाधि जित्न सफल भएको हो । अर्जेन्टिनाले सर्वाधिक ६ र ब्राजिलले ५ पटक यू–२० विश्वकप जितेका छन् ।