काठमाडौं — स्पेनका चर्चित टेनिस खेलाडी राफेल नाडालले टेनिस खेलबाट सन्न्यास लिएका छन्। 

२२ ग्रान्डस्लाम विजेता नाडालले मंगलबार डेभिस कपमा आफ्नो अन्तिम खेल खेले। यस खेलमा ३८ वर्षीय नाडालले नेदरल्यान्ड्सका बोटिक भानसँग लगातार दुई सेटमा ६–४, ६–४ को सेटमा पराजित भएका थिए।

टेनिसबाट सन्न्यासको घोषणा गर्दै राफेल नाडालले आफ्ना समर्थकहरूलाई भने, ‘मेरो बीस वर्षको व्यावसायिक करियरमा तपाईंले मलाई राम्रो समयमा साथ दिनुभयो र खराब समयमा खेलिरहन प्रोत्साहन दिनुभयो।’