महिला यू–१९ विश्वकप छनोट : खेल जित्न नेपाललाई ८४ रनको लक्ष्य
काठमाडौं— आईसीसी महिला यू–१९ टी२० विश्वकप एशिया छनोटको आज भइरहेको अन्तिम खेलमा यूएईले जितका लागि नेपाललाई ८४ रनको लक्ष्य दिएको छ।
द सेभेन रंगशालामा टस जितेर ब्याटिङ रोजेको घरेलु यूएईले २० ओभरमा ९ विकेटको क्षतिमा ८३ रनमात्र बनाउन सक्यो।
यूएईका लागि समाइरा धरनिधर्काले ३१ रन, रिनिथा रजितथले २० रन‚ लाभन्या केनी र इन्दुजा नन्दाकुमार दुवैले १०/१० रन बनाए।
नेपालका लागि करिस्मा गुरुङले ४ विकेट, रिया शर्मा र सीमा केसीले २र२ विकेट तथा रचनाकुमारी चौधरीले १ विकेट लिए।
अघिल्ला पाँचै खेलमा जित हासिल गरेको घरेलु यूएई १० अंकका साथ अंकतालिकाको शीर्षमा रहेको छ।
४ जित र १ हारसहित ८ अंक जोडेको नेपाल तालिकाको दोस्रो स्थानमा छ।
विश्वकपमा छनोट हुनका लागि नेपालले आजको यूएईविरुद्धको खेल रनरेट सुधार गर्दै जित्नैपर्ने दबाब छ।
प्रकाशित मिति: बुधबार, कात्तिक २८, २०८१ १७:१८
ट्रेन्डिङ समाचार
