काठमाडौं— फुटबल स्टार लियोनल मेस्सीलाई पेरिस सेन्ट जर्मेन (पीएसजी) ले दुई साताका लागि निलम्बन गरेको छ ।

क्लबको अनुमति बिना मेस्सीले एसीयाली मुलुक साउदी अरबको भ्रमण गरेपछि पीएसजीले निलम्बन गरेको हो ।

फ्रान्सेली लिग वानमा पीएसजी र लोरेन्ट बीचको खेलपछि अर्जेन्टेनी कप्तान मेस्सी साउदी अरेबिया गएका हुन् ।

उक्त खेलमा पीएसजी पराजित भएको थियो । क्लबका अनुसार मेस्सीलाई खेलमा प्रतिबन्ध लाग्नुको साथै टिममा बसेर अभ्यास गर्न पनि पाउने छैनन् ।