काठमाडौं— आईसीसी मेन्स क्रिकेट वर्ल्ड कप लिग २ मा स्कटल्यान्डविरुद्ध करण केसी र भीम सार्कीले नखेल्ने भएका छन्। 

नेपाल क्रिकेट संघ (क्यान)का अनुसार केसी र सार्की घाइते भएकाले नखेल्ने भएका हुन्। अमेरिकाको डालासमा नेपाली समयअनुसार आज राति सवा १० बजे स्कटल्यान्डविरुद्ध खेल्दैछ।

केसी र सार्कीको सट्टामा देव खनाल र सागर ढकालले खेल्ने भएका हुन्। यसअघि आइतबार बिहान सकिएको खेलमा नेपाल अमेरिकासँग ३७ रनले पराजित भएको थियो। अमेरिकाले दिएको २८२ रनको लक्ष्य पछ्याउने क्रममा एक बल बाँकी हुँदा नेपालले २४४ रन बनाएको थियो।

त्यसअघि गत बुधबार स्कटल्यान्डविरुद्ध भएको खेलमा नेपालले ५ विकेटले जित हात पारेको थियो। लिग–२ मा नेपालले लगातार सात खेल हार व्यहोरेपछि जित निकालेको हो। अमेरिकाविरुद्ध भएको पहिलो खेलमा नेपाल ३ विकेटले पराजित भएको थियो।

नेपाल लिग–२को सतौँ स्थानमा छ। अन्तिममा युएई छ भने पहिलो स्थानमा अमेरिका छ।