काठमाडौं— नेपालले त्रिकोणात्मक टी२० आई सिरिज अन्तर्गत मंगलबार क्यानडासँग खेल्दैछ। खेल नेपाली समय अनुसार राति पौेने १० बजे किङ सिटीमा सुरु हुनेछ।

नेपाल पहिलो खेलमा क्यानडासँग १४ रनले पराजित भएको थियो। १२४ रनको लक्ष्य पछ्याएको नेपाल १०९ रनमा अल आउट भएको थियो।

नेपाल र क्यानडाबीच टी२० आईमा दुई खेल भएको छ। दुबै टोली १–१ जित हात पारेका छन्। त्रिकोणात्मक सिरिजअघि भएको लिग–२ मा भने नेपाल क्यानडासँग दुबै खेलमा पराजित भएको थियो।

त्रिकोणात्मक सिरिजको अन्तिम खेलमा नेपालले बुधबार ओमानसँग खेल्नेछ।