काठमाडौं—  कीर्तिपुरमा जारी एसीसी प्रिमियर कप क्रिकेट प्रतियोगिताको फाइनल खेल वर्षाका कारण रोकिँदै चल्दै आइरहेको छ । 

जारी नेपाल र युएईबीचको फाइनल खेलमा वर्षा हुनासाथ खेल रोकिने र वर्षा रोकिनासाथ खेल पुनः चल्ने क्रम भइरहेको छ । पछिल्लो पटक पुनः वर्षाका कारण खेल रोकिएको छ । 

तर वर्षाका बीचमा पनि खेलमैदानमा दर्शकहरूको बाक्लो उपस्थिति रहेको छ । रोकिएको खेल पुनः सुरु हुने आशामा दर्शकहरू छाता ओढेर खेलमैदान आसपासकै क्षेत्रमा ठुलो सङ्ख्यामा जम्मा भएर बसिरहेका छन् ।

पछिल्लो पटक खेल रोकिँदा युएईले २७.३ ओभरमा ९ विकेटको क्षतिमा १ सय ६ रन बनाएको छ । नेपालका लागि ललित राजवंशीले ३ तथा सन्दीप लामिछाने र करण केसीले २–२ विकेट लिएका छन् भने गुल्सन झा र सोमपाल कामीले १–१ विकेट लिएका छन् ।