एसीसी प्रिमियर कप
पानी परेपछि कुवेत र ओमनबीचको खेल रोकियो
काठमाडौं— काठमाडौंमा जारी एसीसी प्रिमियर कप क्रिकेट प्रतियोगिताको तेस्रो स्थानको लागि भइरहेको ओमन र कुवेतबीचको खेल रोकिएको छ ।
कीर्तिपुरस्थित त्रिवि क्रिकेट मैदानमा भइरहेको खेल पानी परेपछि रोकिएको हो । खेल रोकिनुअघि कुवेतले दिएको १३१ रनको चुनौती ओमनले पछ्याइरहेको थियो ।
खेल रोकिने बेलासम्म ओमनले विकेट नगुमाइ ६ ओभरको समाप्तिमा ४१ रन बनाएको छ ।
तेस्रो हुने टिमले एसीसी इमर्जिङ टिम्स एसिया कप खेल्न पाउने छ । जसमा नेपाल र यूएईले स्थान बनाइसकेका छन् ।
प्रकाशित मिति: आइतबार, वैशाख १७, २०८० १३:२४
थप समाचार
