काभा वुमन्स भलिबलमा श्रीलंकालाई हराउँदै नेपालको सुखद सुरुवात
काठमाडौं— काभा वुमन्स सन्स लिगको पहिलो खेलमा नेपालले श्रीलंकालाई ३–० को सोझो सेटमा पराजित गरेको छ।
नेपालले श्रीलंकालाई २५–१९, २५–१८ र २५–१९ ले पराजित गरेको हो।
नेपालले दोस्रो खेलमा भारतसँग शनिबार प्रतिस्पर्धा गर्नेछ।
नेपाल, इरान, श्रीलंका, भारत र माल्दिभ्स गरी पाँच टोली सुरुमा आपासमा भिड्नेछन्। प्रत्येक दिन दुई खेल हुनेछ। सेमिफाइनल अगस्ट ६ र फाइनल खेल अगस्ट ७ मा हुनेछ।
लिग चरणमा पुछारको पाँचौँ स्थानमा रहने टोली प्रतियोगिताबाट बाहिरिनेछ। शीर्ष चार टोलीले सेमिफाइनलमा स्थान बनाउँनेछन्।
अगस्ट ६ मा लिगको शीर्ष स्थानको टोली र चौथो स्थानमा रहने टोलीबीच तथा दोस्रो र तेस्रो स्थानको टोलीबीच सेमिफाइनल हुनेछ।
प्रकाशित मिति: बिहीबार, साउन १७, २०८१ १७:०१
थप समाचार
