काठमाडौं— २०२४ को पहिलो ६ महिनामा ओटीटी प्लेटफर्ममा धेरै हेरिएका फिल्मको सूची सार्वजनिक भएको छ।

ओरम्याक्स मिडियाले २०२४ को पहिलो हाफमा सबैभन्दा धेरै हेरिएका हिन्दी चलचित्रहरूको सूची सार्वजनिक गरेको हो।

२०२४ को पहिलो ६ महिनामा ओटीटीमा धेरै हेरिएको फिल्म इम्तियाज अलीको फिल्म अमर सिंह चमकिला रहेको छ। फिल्मले अहिलेसम्म १.२९ करोड भ्यूज पाएको छ। यस फिल्ममा दिलजीत दोसांझ मुख्य भूमिकामा थिए।

दोस्रो स्थानमा सारा अली खान, करिश्मा कपूर र विजय वर्मा स्टारर फिल्म मर्डर मुबारक छ। जसलाई स्ट्रिमिङ प्लेटफर्ममा १.२२ करोड मानिसहरूले हेरिसकेका छन्। फिल्ममा पङ्कज त्रिपाठी पनि मुख्य भूमिकामा रहेका छन्।

त्यस्तै तेस्रो स्थानमा सारा अली खानको ए वतन मेरे वतन है, जसलाई १.१५ करोड भ्यूज प्राप्त भएको छ। 

त्यस्तै चौथो स्थानमा रहेको फिल्म महाराजको एक करोड ६ लाख भ्यूज रहेको छ। यस फिल्मबाट आमिर खानका छोरा जुनैदले डेब्यु गरेका थिए। त्यस्तै यस सूचीमा पाँचौँ फिल्म पटना शुक्ला रहेको छ।

यस फिल्मले अहिलेसम्म ९८ लाख भ्यूज पाएको छ। यस फिल्ममा रविना टण्डन पनि लामो समयपछि यो फिल्ममा देखिएकी हुन्।

गत वर्षको तुलनामा ओटीटीमा चलचित्र हेर्नेको सङ्ख्या घटेको रिपोर्टमा उल्लेख छ। सन् २०२३ को मध्यसम्ममा शाहिद कपूरको फिल्म ब्लडी डैडी १.६६ करोड मानिसले हेरेका थिए।

ओरम्याक्सले भारतभरका सबै ओटीटी प्लेटफर्महरूमा सबैभन्दा धेरै हेरिएका वेब शो र चलचित्रहरूको सूची जारी गर्दछ। यदि दर्शकले कम्तिमा ३० मिनेटको एपिसोड वा चलचित्र हेरेमा त्यसको आधारमा यो डाटा निकालिने ओरम्याक्सले जनाएको छ।