काठमाडौं— वैवाहिक बलात्कार मुद्दामा गायक रवि ओडले अदालतबाट सफाइ पाएका छन्।

कञ्चनपुर जिल्ला अदालतका न्यायाधीश चाणकमणि अर्यालको इजलासले गायक ओडलाई सफाइ दिएको हो। उनीमाथि लगाइएको आरोपमा दाबी पुग्ने अदालतले जनाएको छ।

गत चैत ४ गते ओडमाथि श्रीमतीले वैवाहिक बलात्कार र अप्राकृतिक मैथुनको आरोप लगाउँदै प्रहरीमा उजुरी दिएकी थिइन्।

उजुरी परेपछि उनले प्रहरीसमक्ष आत्मसमर्पण गरेका थिए। ओड धरौटीमा रिहा भएका थिए।

न्यायाधीश चाणकमणि अर्याल विवादीत व्यक्ति हुन्।

काठमाडौं जिल्ला अदालतमा कार्यरत रहँदा उनले हात्तीको दाह्रासहित पक्राउ परेका तीन अभियुक्तलाई धरौटीमा छाड्न आदेश दिएका थिए। उनको उक्त आदेशमाथि न्याय परिषद्ले छानविन समेत गरेको थियो।