काठमाडौं— स्विट्जरल्याण्ड युरोकपको क्वार्टरफाइनलमा पुगेको छ।

युरोकपको राउण्ड १६ को खेलमा इटालीलाई २–० गोल अन्तरले पराजित गर्दै स्विट्जरल्याण्ड क्वार्टरफाइनलमा पुगेको हो।

स्विट्जरल्याण्डको जितमा रिमो फ्रेउलेर र रुबेन भार्गासले एकएक गोल गरेका थिए। योसँगै युरोकपको डिफेन्डिङ च्याम्पियन इटाली यस बर्षको युरोकपबाट बाहिरिएको छ।

अब क्वार्टरफाइनलमा स्विट्जरल्याण्डले इङ्ल्याण्ड र स्लोभाकियाबीचको विजेतासँग खेल्ने छ।