काठमाडौं— युरोपेली च्याम्पियनसिप (युरोकप) को नकआउट समीकरण पूरा भएको छ। गएराति समूह चरणका सम्पूर्ण खेल समाप्त भएसँगै युरोको राउन्ड अफ १६ मा खेल्ने टोलीको छिनोफानो भएको हो।
सहभागी २४ टोलीमध्ये ८ टोलीले अर्को चरणमा स्थान बनाउन सकेनन्। हंगेरी, स्कटल्यान्ड, क्रोएसिया, अल्बानिया, सर्बिया, पोल्यान्ड, युक्रेन र चेक रिपब्लिक समूह चरणबाटै बाहिरिए।
अन्तिम १६ मा स्पेनले जर्जियासँग खेल्दा जर्मनी र डेनमार्कले एक अर्काको सामना गर्नेछन्। यी दुई खेलको विजेताले क्वार्टरफाइनलमा भिड्ने छन्। त्यस्तै पोर्चुगल र स्लोभेनियाको विजेताले सेमिफाइनलमा पुग्न फ्रान्स र बेल्जियमबीचको विजेतासँग प्रतिस्पर्धा गर्नेछ।
रोमानिया र नेदरल्याण्ड्स एक अर्कासँग खेल्दा अष्ट्रिया र टर्कीबीच प्रतिस्पर्धा हुनेछ। यी मध्ये एक टोलीले इङ्ग्ल्याण्ड र स्लोभाकिया तथा स्विट्जरल्यान्ड र इटालीको खेलको जित्ने टोलीबीचको विजेतासँग खेल्नेछन्।
शनिबारदेखि राउन्ड अफ १६ चरण सुरु हुनेछ। क्वार्टरफाइनलका खेल जुलाई ५ बाट खेलिनेछ।
