काठमाडौं— त्रिभुवन अन्तर्राष्ट्रिय विमानस्थलबाट दुबईका लागि उडेको जहाजको इन्जिनमा आगलागी भएको छ ।

उडान भरेको केहीबेरमै जहाजमा आगलागी भएको विमानस्थलका एक कर्मचारीले जानकारी दिए ।

जहाजमा आगलागी हुँदा ठूलो आवाज आएकाे ती कर्मचारीकाे भनाइ छ । जहाजको देब्रे इन्जिनमा आगो लागेको टावरलाई जानकारी गराइएको छ ।

विमानस्थलस्रोतका अुनसार जहाजको दायाँ पट्टिको इन्जिनको अवस्था जाँच गरेर के गर्ने भन्ने सल्लाह हुँदैछ ।

जहाज सोमबार साँझ ९ः२० बजे दुबईका लागि उडेको थियो ।

विमानस्थल कार्यालयका प्रमुख प्रतापबाबु तिवारीका अनुसार अहिले जहाजमा देखिएको समस्या समाधान भएको छ । चालक दलले जहाज दुबईतर्फ नै लगेकाे उनले जनाए ।

यो पनि पढ्नुहोस

फ्लाई दुबई जहाज सुरक्षित आफ्नो गन्तव्यतिर जाँदैछ, चिन्ता नगर्नु : नागरिक उड्डयनमन्त्री किराँती