काठमाडौं—  नयाँ बानेश्वरस्थित संघीय संसद् भवनको सुरक्षार्थ खटिएका प्रहरी जवानले आफैँलाई गोली चलाएका छन्। 

संघीय संसद् भवनको पश्चिम गेटको २ नम्बर गेटमा सुरक्षार्थ खटिएका प्रहरी जवान अजित गोलेले बुधबार बिहान आफैमाथि गोली चलाएका हुन्। 

उनको घटनास्थलमै मृत्यु भएको हो। 

काठमाडौं प्रहरी परिसरका प्रवक्ता एसपी नवराज अधिकारीका अनुसार संसद् भवनको  २ नम्बर गेटका बायाँपट्टि रहेको शौचालय गएका उनले आफूले बोकेको इन्सास राइफलले आफ्नै निधारमा फायर गरेका थिए। 

उनी बिहान ८:१५ बजे शौचालयमा मृत भेटिएका एसपी अधिकारीले जानकारी दिए। 

मृतक गोले दोलखाको मेलुङ गाउँपालिका– ४ घर भई नेपाल प्रहरी केन्द्रीय विशेष कार्यदल  कपन दरबन्दी भई काठमाडौं उपत्यका प्रहरी कार्यालय संघीय संसद् सुरक्षा बेस नयाँबानेश्वरमा कार्यरत थिए। 

घटनाबारे थप अनुसन्धान भइरहेको एसपी अधिकारीले जानकारी दिए।