काठमाडौं— अस्ट्रेलिया जारी टी२० विश्वकपको सुपर–८ मा पुगेको छ। समूह बी अन्तर्गतको बुधबार बिहान सम्पन्न खेलमा अस्ट्रेलियाले नामिबियालाई पराजित गरेसँगै विश्वकपको सुपर–८ मा पुगेको हो।
नामिबियाले दिएको केवल ७३ रनको लक्ष्य पछाएको अस्ट्रेलियाले ५.४ ओभरमा एक विकेट गुमाएर लक्ष्य पुरा गरेको थियो।
यस अघि नामिबिया ले पहिला ब्याटिङ गर्दै १७ ओभरमा अल आउट भएर केवल ७२ रन बनाएको थियो। नामिबियाका लागि कप्तान गेर्हार्ड इरासमसले सर्वाधिक ३६ रन बनाए भने माइकल भान लिनगेनले १० रन बनाएका थिए।
नामिबियाको ब्याटिङ धराशायी बनाउने क्रममा अस्ट्रेलियाका बलर एडम जाम्पाले उत्कृष्ट बलिङ गर्दै ४ विकेट लिएका थिए । जाम्पाले ४ ओभरमा १२ रन दिएर ४ विकेट लिएका हुन्।
यो तपछि समूह बी मा अस्ट्रेलियाले ३ खेलमा तिनै जित हासिल गरेर ६ अंकसहित शीर्ष स्थानमा छ र अब सुपर–८ मा छनौट भइसकेको छ।
त्यस्तै नामिबियाको भने तेस्रो खेलमा यो दोस्रो हार हो। ३ खेलमा २ अंक रहेको नामिबिया सुपर–८ को दौड बाट बाहिरिएको छ।
यस समूहबारे यसअघि ओमान पनि सुपर–८ को दौडबाट बाहिरिएको थियो। समूह बी मा स्कटल्याण्ड ३ खेलमा ५ अंकसहित दोस्रो स्थानमा छ भने इङ्ल्याण्ड २ खेलमा एक अंक सहित चौथो स्थानमा रहेको छ।
