काठमाडौं— इन्डियन प्रिमियर लिग (आईपीएल) अन्तर्गत चेन्नई सुपर किंग्सले पञ्जाब किंग्सलाई पराजित गरेको छ।

आइतबार सम्पन्न खेलमा चेन्नईले पञ्जाबलाई २८ रनले पराजित गरेको हो ।

चेन्नईले दिएको १६८ रनको लक्ष्य पछाएको पञ्जाब ले २० ओभरमा ९ विकेट गुमाउँदै १३९ रन बनाएको थियो। यसअघि पहिला ब्याटिङ गर्दै चेन्नईले २० ओभरमा ९ विकेट गुमाउँदै १६७ रन बनाएको थियो।

यो जितपछि चेन्नई अंक तालिकामा तेस्रो स्थानमा उक्लिएको छ। चेन्नईको ११ खेलमा १२ अंक भएको छ। त्यस्तै पञ्जाबको भने यो सातौँ हार हो।

११ खेलमा ८ अंक रहेको पञ्जाब अंक तालिकामा आठौं स्थानमा रहेको छ।