काठमाडौं— स्पेनिस ला लिगामा रियल मड्रिडले क्याडिजलाई २–० ले पराजित गरेको छ ।

क्याडिजमा शनिबार राति भएको खेलमा रियलले घरेलु टोली क्याडिजलाई पराजित गरेर शीर्षस्थानको बार्सिलोनासँगको अंक दूरी छोट्याएकाे छ ।

रियलको जितमा नाँचो फर्नान्डेस र मार्को एसेन्सियोले गोल गरे । जितसँगै रियलले बार्सिलोनासँगको अंक दूरी १० मा छोट्याएको छ ।

एक खेल कम खेलेको बार्सिलोनाको ७२ अंक रहँदा रियलको ६२ अंक छ । पराजित क्याडिज ३१ अंक जोडेर १५औं स्थानमा छ ।