काठमाडौं– अभिनेता दर्शिल सफारीले फिल्म ‘तारे जमीन पर’बाट पहिचान पाएका थिए। उनलाई आज पनि दर्शकले ‘ईशान’का रुपमा सम्झन्छन् । उनले अभिनेता आमिर खानसँग काम गरे र आजसम्म पनि दर्शिल आफूलाई आमिरको नजिकको मान्छे मान्छन्।
दर्शकहरु आमिर र दर्शिलको जोडीलाई पुनः एकपटक हेर्न लामो समयदेखि चाहिरहेका थिए। अब १६ वर्ष पछि उनीहरू एक विज्ञापनमा सँगै देखिँदैछन्। दर्शिलले आफ्नो इन्स्टाग्राममा आमिरसँगको एक तस्बिर साझा गरेका छन्। सोमबार उनले इन्स्टाग्राममा आमिरसँगको आफ्नो तस्बिरको एक कोलाज राखेका थिए। कोलाजमा ‘तारे जमीन पर’को र अहिलेको तस्बिर छ।
तस्बिरमा आमिरलाई फरक रुपमा देखाइएको छ। ‘बुम, १६ वर्षपछि हामी पुनः एकसाथ छौं । यो थोरै भावनात्मक र आरोपित हुनेछ। यो अनुभवका लागि मेरो मनपर्ने गुरुलाई धेरै माया । ठूलो खुलासाका लागि बनिरहेका छौं । चार दिन बाँकी’, उनले लेखेका छन्।
केही सामाजिक सञ्जाल प्रयोगकर्ताले आमिर र दर्शिलको तस्बिरलाई आमिरको नयाँ फिल्म ‘सितारे जमीन पर’को लागि सहकार्यको रुपमा अनुमान लगाएका छन् ।
