नेपालले ओमनसँग एकदिवसीय अभ्यास खेल खेल्दै
काठमाडौं— नेपालले शनिबार ओमनसँग एकदिवसीय अभ्यास खेल खेल्दैछ ।
कीर्तिपुरस्थित त्रिवि क्रिकेट मैदानमा शनिबार बिहान हुने खेल ५०/५० ओभरको हुनेछ । नेपालले एसीसी प्रिमियर कपअघि ओमनसँग अभ्यास खेल खेल्न लागेको हो ।
शनिबार हुने यो खेलले कुनै पनि अन्तर्राष्ट्रिय मान्यता पाउने छैन । नेपालको कप्तानी रोहित पौडेल र ओमनको जिशान मकसुदले गर्नेछन् ।
नेपालले आफ्नो अन्तिम १४ सदस्य टोली घोषणा गरेको छैन । आईसीसी विश्वकप लिग २ मा ओमन दोस्रो र नेपाल तेस्रो स्थानमा रहँदै विश्वकप छनोटमा पुगेका थिए ।
प्रकाशित मिति: शनिबार, वैशाख २, २०८० ०७:२४
थप समाचार
