काठमाडौं– आइसीसी विश्वकप लिग-२ अन्तर्गत अहिले नेपाल र नामिबियाबीचको खेल जारी छ। 

नामिबियाले टस जितेर फिल्डिङ रोजेपछि अहिले नेपालले व्याटिङ गरिरहेको छ। नेपालका ओपनर कुशल भुर्तेल र आसिफ शैख क्रिजमा छन्। 

त्रिकोणात्मक सिरिज अन्तर्गत नेपाल र नामिबियाको यो दोस्रो पटकको प्रतिस्पर्धा हो। पहिलो खेलमा नेपाल नामिवियासँग ४ विकेटले पराजित भएको थियो। 

पहिला व्याटिङ गरेको नेपाल १३२ रनमै अलआउट भएको थियो। नेपाल जारी सिरिजमा एकमा जित र एकमा हार व्यहोरेको छ। नेपालले नेदरल्याण्ड्सलाई पराजित गरेको थियो।