ओमनविरुद्ध नेपालले टस जितेर फिल्डिङ रोज्यो
काठमाडौं— आईसीसी टी—२० विश्वकप एसिया छनोट अन्तर्गत ओमन विरुद्धको खेलमा नेपालले टस जितेर फिल्डिङ गर्ने भएको छ ।
कप्तान रोहित पौडेलले त्रिवि अन्तर्राष्ट्रिय क्रिकेट मैदानमा टस जितेर पहिले बलिङ रोज्दै ओमनलाई ब्याटिङको निम्तो दिएका छन् । नेपाल र ओमन यसअघि लगातार दुई खेल जित्दै सेमिफाइनल पुगिसकेकाले आजको खेलले समूह विजेता र समूह उपविजेताको टुङ्गो लाग्ने छ ।
नेपाली टीममा कुनै परिवर्तन गरिएको छैन । नेपालको प्लेइङ ११ मा कप्तान पौडेलसहित आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, सोमपाल कामी, करण केसी, गुलसन झा, सन्दीप लामिछाने र अभिनाश बोहरा छन् ।
ओमनको टीममा भने दुई परिवर्तन गरिएको छ । मोहमद नदिम र अहमद पयज बटको स्थानमा मोहमद नसिम र कलिमुल्लाह प्लेइङ ११ मा छन् ।
प्रकाशित मिति: बिहीबार, कात्तिक १६, २०८० ०९:०५
थप समाचार
