काठमाडौं— गत असोज २७ गते दुर्घटनामा परेका मनाङ एअरका पाइलट प्रकाशकुमार सेढाईंको उपचारको क्रममा भारतमा मृत्यु भएको छ । उनले चलाएको हेलिकोप्टर असोज २७ गते बिहान सोलुखुम्बुमा दुर्घटना भएको थियो । 

दुर्घटनामा परी गम्भीर घाइते भएका पाइलट सेढाईंलाई काठमाडौंको ह्याम्स अस्पताल ल्याइएकोमा त्यहाँ उपचार हुन नसकेपछि मुम्बई लगिएको थियो ।

नेशनल बर्न सेन्टर, मुम्बईमा उपचाररत उनको मंगलबार मृत्यु भएको मनाङ एअरले विज्ञप्तिमार्फत जनाएको छ।

दुर्घटनामा उनको शरीरको ५० प्रतिशतभन्दा बढी भाग जलेको थियो । हाई अल्टिच्युडमा रहेका यात्रु ल्याउन गएको मनाङ एअरको हेलिकप्टर असोज २७ गते बिहान ७ बजेर १३ मिनेटमा सोलुखुम्बुमा दुर्घटनाग्रस्त भएको थियो ।