काठमाडौं— नेपाल क्रिकेट संघ (क्यान) ले त्रिदेशीय टी–२० सिरिजका खेल्ने नेपाली टोलीको घोषणा गरेको छ । नेपाल, यूएई र हङकङबीच हुने त्रिदेशीय टी–२० सिरिजका लागि क्यानले सोमबार रोहित पौडेलको कप्तानीमा १८ सदस्यीय नेपाली टोली घोषणा गरेको हो ।

त्रिदेशीय टी–२० खेल्ने टोलीमा रोहित शर्मा, आशिफ शेख, कुशल भुर्तेल, कुशल मल्ल, दीपेन्द्रसिंह ऐरी, सन्दीप जोरा, गुल्सन झा, सोमपाल कामी, करण केसी, प्रतिश जिसी, ललित राजवंशी, अभिनाश बोहरा, विवेक यादव, सागर ढकाल, विनोद भण्डारी, लोकेश बम, सूर्य तामाङ र श्याम (मौसम) ढकाल छन् ।

सिरिज खेल्ने टोलीमा सन्दीप लामिछानेको नाम उल्लेख छैन । उनले यसअघि नै राष्ट्रिय टिमबाट नाम आफ्नो नाम फिर्ता लिएका थिए ।

कात्तिक १ गतेदेखि सुरु हुने सिरिजको पहिलो खेल कात्तिक १ गते यूएईसँग र दोस्रो खेल कात्तिक ३ गते हङकङसँग खेल्नेछ । सबै खेल मुलपानी क्रिकेट ग्राउन्ड र फाइनल खेल त्रिवि क्रिकेट मैदान कीर्तिपुरमा हुनेछ ।