काठमाडौं— बाराको पचरौतानगरपालिका–६ स्थित लक्ष्मिनियामा असोज ९ गते अजितकुमार सिंहको गोली हानेर हत्या भयो ।
असोज ९ गते साँझ ६ बजे नेपाल भारत सिमानाको ७ सय मिटर नेपालतर्फ लक्ष्मिनियाँस्थित पोखरीमा २२ वर्षीय अजितकुमारको हत्या भएको थियो ।
मृतक भारतको मोतिहारीका स्थानीय हुन् । हत्यामा संलग्न आरोपमा प्रहरीले अजितकी पत्नी २३ वर्षीय सोनम सहनीलाई पक्राउ गरि आइतबार सार्वजनिक गरेको छ ।
सोनमसँग मिलेर सुजितकुमार सिंहको समूहले अजितको हत्या गरेको प्रहरी अनुसन्धानबाट खुलेको छ । सुटर २५ वर्षीय सुजितकुमार सिंह पनि भारतीय नागरिक हुन् ।
हत्या आरोपितसुजितकुमार सिंह र सोनम विवाहेत्तर सम्बन्धमा थिए । विवाहेत्तर सम्बन्धका कारण पत्नीसँग मिलेर सुजितले हत्या गर्ने योजना बनाएको एसपी सुरेन्द्र काफ्लेले जानकारी दिए । हत्यामा संलग्न सुटर सुजितकुमार सिंहसहित ४ जना फरार छन् ।
