एसियाली खेलकुद खेलकुदअन्तर्गत महिला भलिबलमा नेपाल भियतनामसँग पराजित
काठमाडौं— एसियाली खेलकुदअन्तर्गत महिला भलिबलमा नेपाली टिमले आफ्नो पहिलो खेलमा हार बेहोरेको छ ।
हाङझावको देक्वाइ स्पोर्ट्स सेन्टरमा शनिबार भएको प्रारम्भिक चरणको समूह ‘सी’ को खेलमा नेपालमाथि भियतनामले ३-० को सोझो सेटमा जित हात पारेको हो ।
पहिलो सेट नेपालले कमजोर देखाउदा ४-२५ अंकले पराजित भयो । दोस्रो सेटमा नेपालले खेलमा सुधार ल्याए पनि जित निकाल्न सकेन । दोस्रो सेटमा नेपाल १६-२५ अंकको अन्तरले पराजित भयो ।
तेस्रो सेटमा सुरुवाती अग्रता लिए पनि नेपाल भियतनाम भन्दा कमजोर ठहरियो । नेपाल तेस्रो सेटमा १३-२५ अंकको आधारमा पराजित भयो । अब नेपालले समूहको अन्तिम खेलमा पर्सी सोमबार दक्षिण कोरियासँग खेल्दैछ ।
प्रकाशित मिति: शनिबार, असोज १३, २०८० १४:४६
थप समाचार
