काठमाडौं— आईसीसी वुमन्स टी–२० विश्वकप एसिया छनोटमा कतारले नेपाललाई जितका लागि ७५ रनको लक्ष्य दिएको छ ।

मलेसियाको युकेएम वाईएसडी क्रिकेट ओभलमा नेपालले टस जितेर कतारलाई पहिले ब्याटिङको निम्तो दिएको थियो । कतारले निर्धारित २० ओभरमा ७ विकेट गुमाएर ७४ रन बनायो ।

नेपालकी इन्दुले ३ विकेट लिइन् । पुजा महतो र कविता जोशीले समान एक/एक विकेट लिए ।

लगातार ३ खेल जितिसकेको नेपालले यो खेल जितेमा यूएईसँग समूहको अन्तिम खेल खेल्नुअघि नै सेमिफाइनलमा स्थान पक्का गर्नेछ ।