काठमाडौं— राष्ट्रिय क्रिकेट टोलीका पूर्वकप्तान पारस खड्काले नेपाल क्रिकेट संघ (क्यान) को बाग्मती प्रादेशिक संघको अध्यक्ष पदमा उम्मेदवारी दिने घोषणा गरेका छन् ।

शुक्रबार काठमाडौंमा पत्रकार सम्मेलन गर्दै खड्काले बाग्मती प्रदेशका ४ जिल्लाको समर्थनसहित अध्यक्ष पदमा उम्मेदवारी दिन लागेको घोषणा गरे । उनले भने,‘क्रिकेटको प्रादेशिक संरचनालाई बलियो बनाउने मेराे लक्ष्य हो ।’

खड्कालाई काठमाडौं, ललितपुर, भक्तपुर र मकवानपुर जिल्ला क्रिकेट संघका अध्यक्षहरूले समर्थन गर्ने घोषणा गरेका छन् । बाग्मती प्रादेशिक क्रिकेट संघको चुनाव आगामी भदौ १५ गतेका लागि तोकिएको छ ।