पीएसजीबाट साउदीको हिलाल क्लबमा सरेका नेयमारको पारिश्रमिक कति ?
काठमाडौं— ब्राजिलका स्टार फुटबर नेयमार फ्रान्सेली च्याम्पियन पेरिस सेन्ट जर्मेनबाट साउदी अरेबियाको क्लब अल हिलालमा सरेका छन् ।
हिलालले जारी गरेको एक भिडिओमा नेयमार ‘म साउदी अरेबिया आएँ’ भनेका छन् ।
नेयमार हिलालसँग दुई वर्षको सम्झौता गरेका छन् । हिलालले नेयमारलाई वार्षिक १५० मिलियन डलर पारिश्रमिक दिने भएको छ ।
दुई वर्षमा नेयमारले अल हिलालबाट ३०० मिलियन डलर पारिश्रमिक पाउने छन् । उनले हिलालमा हरेक साता २.८८ मिलियन डलर कमाउने छन् ।
उनले यस अवधिमा अन्य कमर्सियल डिलबाट थप सय मिलियन डलर कमाउन सक्ने बताइएको छ ।
प्रकाशित मिति: बुधबार, साउन ३१, २०८० ०७:४०
थप समाचार
