काठमाडौं— सिम्रिक एअरले शुक्रबार नेपाल नागरिक उड्डयन प्राधिकरणलाई ४३ लाख रुपैयाँ बक्यौता बुझाएको छ ।

पटकपटक ताकेता गर्दा पनि बक्यौता रकम नतिरेको र आर्थिक सङ्कटमा परेको भन्दै प्राधिकरणले शुक्रबारदेखि अनिश्चितकालका लागि सिम्रिकको उडान रोकेको थियो ।

उडानमा रोक लगाएपछि सिम्रिकले आर्थिक वर्ष २०७९/०८० को ४३ लाख बक्यौता शुक्रबार बुझाएको प्राधिकरणले जनाएको छ।रोकेको उडान खुलाउने विषयमा भने थप निर्णय आउन बाँकी रहेको प्राधिकरणले जनाएको छ।