तारकेश्वरमा पहिरोले घर पुरिँदा दुईको मृत्यु
काठमाडौ— तारकेश्वर नगरपालिका–५ चोगाउँमा पहिरोले घर पुरिँदा दुई जनाको मृत्यु भएको छ ।
पहिरोमा परि ४१ वर्षीय गणेश तामाङ र उनकी १५ वर्षीया छोरी आस्माको मृत्यु भएको जिल्ला प्रहरी परिसर काठमाडौंका प्रवक्ता प्रहरी उपरीक्षक कुमोद ढुङ्गेलले बताए ।
उनका अनुसार गएराति घरमाथिबाट खसेको पहिराले तामाङ भाडामा बस्दै आएको टहरो पुरिएको हो । सोही घटनामा परी आमा सञ्जु तामाङ घाइते भएको र उनको प्राथमिक उपचार गरिएको प्रहरीले जनाएको छ ।
प्रकाशित मिति: आइतबार, साउन २१, २०८० १०:१९
थप समाचार
