दाङको देउखुरी क्षेत्र डुबानमा
दाङ— भारी वर्षाका कारण दाङको देउखुरी क्षेत्रका केही स्थान डुबानमा परेका छन् ।
सोमबार राति देखि लगातार परेको पानीका कारण लमही नगरपालिका, गढवा र राजपुर गाउँपालिकाका विभिन्न ठाउँहरू डुबानमा परेका हुन् । जिल्ला प्रहरी कार्यालयका अनुसार लमहीको सुनडबरी, राजपुर ५ भुर्कीहवामा केही घर ठाउँ डुबानमा परेका छन् ।
त्यस्तै लमही—३कौडिया(कान्तिपुरगाउँ) का घर डुबान परेका जिल्ला प्रहरी कार्यालयले जनाएको छ ।
देउखुरीमा खहरे खोलामा बाढी आउँदा बस्तीहरु जोखिममा परेका छन् । कौडिया खोला र सिंगे खोलामा बाढी आउँदा तल्लो तटीय क्षेत्रमा रहेका बस्ती डुबानको उच्च जोखिममा छन् । अहिले पनि पानी परिरहेकाले दिनभर सतर्क रहन अपिल गरिएको छ ।
प्रकाशित मिति: मंगलबार, साउन ९, २०८० १३:५३
थप समाचार
