रुपन्देहीको भड्छा गाउँ डुबानमा, तिनाउले पार गर्यो खतराको तह
रुपन्देही— अविरल वर्षाका कारण सैनामैनास्थित भड्छा गाउँ डुबानमा परेको छ ।
स्थानीय खोलामा आएको बाढीले सैनामैना नगरपालिका— ८ भड्छा निवासी शंखमुनी थारूको घर डुबानमा परेको हो । उद्धारको लागि घर इलाका प्रहरी कार्यालय सालझण्डीबाट प्रहरी टोली खटिएको छ ।
यसैबीच, रूपन्देही, नवलपरासी, पाल्पा, प्यूठान लगायतका क्षेत्रमा बिहानैदेखि भारी वर्षा भइरहेको छ । भारी वर्षाका कारण तिनाउ र पश्चिम राप्ती नदीमा बाढी आएको छ ।
अविरल वर्षाका कारण रूपन्देहीको तिनाउ नदीको जलसतह उच्च खतराको तहभन्दा निकै माथि पुगेको छ । दिउँसो १२ बजेसम्म तिनाउमा जलसतह बढ्ने उच्च जोखिम रहेकोले नदी तटीय क्षेत्रका बासिन्दालाई सुरक्षित रहन आग्रह गरिएको छ ।
प्रकाशित मिति: मंगलबार, साउन ९, २०८० ०९:३०
थप समाचार
