काठमाडौं— गत आर्थिक वर्ष २०७९/८० मा लागूऔषध कारोबार तथा सेवनमा संलग्न रहेको आरोपमा प्रहरीले ५ हजार ६११ जनालाई पक्राउ गरेको छ ।

उनीहरूविरुद्ध ३ हजार ७१२ वटा मुद्दा दर्ता गरिएको प्रहरीको लागूऔषध नियन्त्रण ब्युरोले जनाएको छ । ब्युरोका प्रहरी उपरीक्षक चक्रराज जोशीका अनुसार उनीहरूबाट १८ हजार २२ किलो गाँजा, ५२८ किलो चरेस, १४ किलो ३५० ग्राम हेरोइन, १४ किलो ५६७ ग्राम कोकिन र ३४ किलो २५८ अफिम बरामद भएको थियो ।

त्यस्तै, प्रहरीले  ६२ हजार दुई सय ७९ एम्पुल नियन्त्रित लागूऔषध ब्रुफेन, ६७ हजार ४३४ एम्पुलडाइजेपाम, ३४ हजार ८२९ एम्पुलफेनारगन, एक लाख पाँच हजार ४१४ ट्याबलेट नाइट्राभेट १० हजार ७९७ ट्रमाडोल, ८ हजार ९५१ बोतल कोरेक्स तथा डाइलेक्स एवं ५ सय एक किलो खात बरामद गरिएको जोशीले बताए ।