
काठमाडौं— कालीगण्डकी, नारायणी र कोशीमा जलसतह बढेको छ । बाढी पूर्वानुमान महाशाखाले ती नदी तटीय क्षेत्रमा बाढीको चेतावनीसहित उच्च सतर्कता अपनाउन आग्रह गरेको छ ।
महाशाखाका अनुसार गएराति नवलपरासीको बर्दघाट र डन्डा आसपासको क्षेत्र, पाल्पा, स्याङ्जा, तनहुँ र कास्कीमा ठूलो पानी परेको छ ।
नवलपरासीको विनयी, अरुण, गिरुवारी खोला, नवलपुरलगायत ती क्षेत्र भएर बग्ने स–साना खोलामा आकस्मिक बाढीको सम्भावना रहेको छ ।
त्यस्तै पाल्पाको निस्ती खोलालगायत आसपासका क्षेत्रमा पनि बाढीको जोखिम छ । कोशीमा जलसतह बढ्दा महोत्तरीको जलेश्वर आसपासमा बाढीको जोखिम छ ।
असार ३० बिहान ५ बजे
— Nepal Flood Alert! नेपाल बाढी सूचना! (@DHM_FloodEWS) July 14, 2023
नवलपरासी, बर्दघाट, डन्डा र आसपासको क्षेत्रमा पछिल्लो ३ घण्टामा भारी वर्षा भएको छ। सो क्षेत्र भई बहने स-साना खोलाहरूमा आकस्मिक बाढीको सम्भावना, यात्रामा निस्किनुहुने, डुबान भइरहने होचो भूभाग तथा तटीय क्षेत्रहरूमा उच्च सतर्कता अपनाऔँ।#SmsAlertpic.twitter.com/wFR75FdWp2