दुर्गा प्रसाईंलाई हत्याको धम्की दिई ३० कराेड फिरौती माग गर्ने पक्राउ
काठमाडौं— मेडिकल व्यवसायी दुर्गा प्रसाईंलाई हत्याको धम्की दिँदै फिरौती माग गर्ने व्यक्तिलाई प्रहरीले पक्राउ गरेको छ ।
फिरौती लिन आएको अवस्थामा खोटाङ घर भई काठमाडौंको चुनदेवी बस्ने रमेशकुमार गुरुङलाई प्रहरीको केन्द्रीय अनुसन्धान ब्यूरो (सीआईबी) को टोलीले मंगलबार महाराजगञ्जबाट पक्राउ गरेको हो ।
अपहरण तथा शरीर बन्धक मुद्दामा आवश्यक अनुसन्धान एवम् कारबाहीका लागि गुरुङलाई मंगलबार प्रहरी वृत महाराजगञ्ज पठाइएको सीआईबीका प्रहरी उपरीक्षक सञ्जयसिंह थापाले जानकारी दिए ।
उनले असार १३ गते प्रवेश लामाको नामबाट फोन गरी ‘हत्या गर्नका लागि योजना बनिसकेको, यदि सुरक्षित हुन चाहनुहुन्छ भने रकम दिनुपर्ने हुन्छ, डिमान्डको रकम उपलब्ध गर्नुभयो भने तपाईंको जीवन बच्न सक्छ’ भनी फोन तथा पटकपटक एसएसमएस गरी ३० करोड रकम माग गरेका थिए ।
प्रकाशित मिति: मंगलबार, असार २६, २०८० २१:४४
थप समाचार
